फुलांच्या रचना करण्या बाबत काही जण कशा करतात हे जाणून घ्यायला उत्सुक आहेत,म्हणून मी कशा रचना करते ते लिहित आहे. मला प्रथम फुलांचे फोटो काढण्याची आवड होती. नंतर ती फुले फुलदाणीत ठेवायचे. हळू हळू कपाटातील काचेची विविध भांडी,शोभेच्या वस्तू,फुले,पणे असें एकत्रित ठेवून रचना करू लागले. सूर्य प्रकाशात त्याचे किरण त्यात रचनान मध्ये टिपणे आवडू लागले. या कलाकृती झोपाळ्यावर,किंव्हा टेबल वर ठेवून,त्यावर ओढण्या ठेवून त्यावर ही फुलांची रचना ठेवून रंग-संगती लावू लागले. जास्वंदी,तगर,जाई,जुई,सायली,रातराणी, विविध रंगाचे गुलाब,बाल्सम झेंडू,सोनटक्का,ऑफिस time , विविध रंगाची लिली ,alamanda ,गणेश फूल, व ऋतू प्रमाणे येणारी फुले इत्यादी फुले व त्यात शतावरी,गवतासारख्या किव्हा इतर कुंडीत उगवणाऱ्या लहान वनस्पती वापरू लागले. कधी साबणाचा फेसही घेवून फुले खोवली,असें विविध प्रकार सुचू लागले. यासाठी कोणत्या प्रशिक्षणाची गरज नाही.
विविध रंगाचे शिपले,दगड, बाहुल्या,पक्षी,मेणबत्ती याचा वापर काल्कृतीत करता येतो. रात्री फोटो मी आपल्या जेवण बनविण्याच्या ओट्यावर काढले आहेत. यासाठी खूप पैसा लागत नाही,घरच्य वस्तूंचा वापर करून आपण आपला हा छंद जोपासू शकतो. मी अगदी जपाची माळ देवांच्या मूर्ती,सारे काही कलाकृतीत वापरले आहे. ज्या वेळेस जे सुचेल ते घेते. या साठी एखद्या सध्या वस्तूकडे बघण्याची वेगळी दृष्टी हवी. फुलांचा आकार कसा आहे,ते कसे ठेवले तर त्याची रचना कसा आकार घेईल,हे विचार करून जमते. काही फुलांच्या पाकळ्या घेवून त्यावर दुसरी फुले ठेवून रचना छान दिसू शकते. काही रंगीत पाने लहान असतील तर त्यांचा दुसऱ्या एखाद्या फुलाचे डोळे म्हणून वापर करता येवू शकतो,काही फुले गणपतीच्या सारखी दिसतात,त्यांना तसे ठेवून रचना करता येते. आपली एकाग्रता व काहीतरी कल्पना सुचून त्या प्रमाणे फुलांची रचना होते. फोटो काढण्याचेही मी प्रशिक्षण घेतलेले नाही,जसे येते तसा फोटो काढते.
मत्सालायाची काचेची पेटी नुसती पडून होती,त्यात सुंदर रचना केली. यात वाळू,माती,लहान झाडांची रोपे,फुले बाहुल्या वापरून एखादे दृश्य बनवता येते व ते छान दिसते. त्यात तळे,दोनगर,देऊळ,घर असें काहीही दाखवता येते. अशा अनेक काचेच्या बरण्या, डिश मग,ग्लास,वाट्या साऱ्यांचा वापर करता येवू शकतो. विविध आकाराचे तरे असतील त्यांचाही वापर करता येवू शकतो.विजेच्या माळा मी फुलांच्या रचनान मध्ये वापरल्या आहेत.
फुले घरात असतील तर ती वापरावीत नाहीतर बाहेरून फुले आणून त्यांची रचना करावी,पण विकतची फुले आणण्यासाठी पैसा अधिक लागतो. मी माझ्या घरच्य टेरेस मध्येच जुने माठ,डबे,बदल्या,दुधाचे तरे,व लहान-मोठ्या कुंडी मध्ये अशी अनेक प्रकारची झाडे लावली,व त्यातूनच हा छंद जडला. ज्यानं आवड आहे,ते सह या फुलांच्या रचना करून त्याचा आनंद घेवू शकतात. त्या फुलांच्या सहवासात प्रसन्न वाटते,त्या मुळे दिवसाची सुरुवात छान झाली,की दिवसही उत्साहाने जातो!
मंगला
https://fbcdn-sphotos-a.akamaihd.net/hphotos-ak-snc6/46966_1582737929027_1253087005_1592855_3012545_n.jpg