प्यार का पंचनामा चित्रपट पाहिला आणि माणसाचे कुत्रे कसे बनते हे जे वास्तव आहे ते पाहताना हसू आले. पण एक प्रश्न मनात आला की कुत्रा प्रामाणिक असतो,हा आपल्या पालकांशी प्रामाणिकपणा दाखवतो,पण येथे पालकांशी प्रामाणिक न राहाता नविन ओळख होणारयाशी प्रामाणिक होणे व लाळ घोटेपणा करणे म्हणजे खरे याला कुत्ता म्हणणे ही बरोबर नाही! कारण तो जर कुत्ता असताच तर तो त्यांच्यावर भुंकला असता,पट्टा घालून कसा फिरला असता नाही का!
आपण पुस्तकात वाचतो सर्प,विंचू हा विषारी प्राणी आहे, गाय,कुत्रा पाळीव प्राणी आहे. वाघ-सिंह जंगली प्राणी! माणसाला बुद्धी आहे म्हणून तो कोणाला पाळीव प्राणी,कोणाला विषारी,कुणाला जंगली विशेषणे लावतो. परंतू हे सर्व गूण त्याच्यात आहेतच ना! ते शोधण्याची त्याची बुद्धी कुठे गेली! माणसाच्या विषाला औषधच नाही,सर्पाच्या ,विंचवाच्या विषाला तरी औषध आहे! गाय आणि कुत्रा पाळले तर ते मालकाशी प्रामाणिक राहतात,माणूस राहतो का प्रामाणिक?
वाघ -सिंह भूक लागेल तेव्हाच शिकार करतात,परंतु माणूस सततच भुकेला असतो,कधी पैसा, कधी प्रेम त्याच्या भूकाना अंतच नसतो! अजगर ज्या प्रमाणे भूक लागेल तेव्हाच खातो व नाहीतर तो स्वस्थ बसतो,हे का नाही जमत माणसाला! चांगले गूण घेणे व आपल्यातील वाईट गुणांना दूर करणे ही बुद्धी माणसला केंव्हा येईल! जे पालक निस्वार्थी पणाने मुलांना वाढवतात व ज्यांचे सेवा भाव,परोपकार गूण आहेत,त्यांना हा पाळीव प्राणी करीत आहे. ज्यांच्यात हे गूण नाहीत त्यांना तो दाराबाहेर ठेवत आहे. प्रत्येकाचा व वस्तुचाही गरजे पुरता वापर करून युज अन्ड थ्रो ही प्रवृत्ती वाढत आहे! प्राण्यातील दुर्गुण घेवून हा माणूस प्राणी बनला आहे असें वाटते! सर्वात भयंकर जमात आहे ही! अख्या पृथ्वीतलाला जिने जेरीस आणले अशी ही एकच माणूस जमात! सारया निसर्गाचा समतोल बिघडवून ,फक्त स्वतःचा स्वार्थ पाहणारी ही जमात अजून किती स्वतचे व इतरानचे नुकसान करणार आहे?
हे प्राणी अशी देवाची मंदिरे करून त्या एखाद्या कुत्रा,वाघाला देव करून वाटेल तसे वागायला तरी मोकळे होत नाहीत,परंतु माणूस दगडातील देवाला चांगले गूण अर्पून स्वैर वागण्यास स्वतःला मुक्त व भाविक समजतो! इतका खोटारडेपणा करणारा एकही प्राणी या भूतलावर नाही! माणसाला कोणता प्राणी म्हणावे तर एकही नाव देत येणार नाही,कारण तो कोणालाही डसतो,कोणालाही फसवतो,ज्याला आपल्या रक्ताच्या नात्यांची चाड नाही,तो इतरानचा काय विचार करणार? आता तर एक नविन जमात तयार होत आहे. जो कोणी अधिक पैसा व सुख देईल असा जोडीदार शोधणे व बानडगुळा सारखे जिवन जगणे! या बानडगुळ जमातीने अनेक जणानचे जिणे हराम केले आहे. यावर काही इलाज शोधायलाच लागेल! कारण ते पूर्ण वृक्षाचे शोषण करीत आहेत!
प्राण्यांना निसर्गानेच कपडे परिधान करून पाठवले आहेत, त्या मुळे त्यांची नग्नता दिसत नाही,माणूस आपल्या हाताने आपले वरचे व आतील वस्त्र उतरवून अंतर-बाह्य नग्नतेचे प्रदर्शन करीत आहे! ही नग्नता सर्व गोष्टीनाचा वीट आला म्हणून संन्यासी मनोवृत्तीने आलेली नाही,किंव्हा सुख-दुखाची चाड म्हणून आली नाही,तर ती फक्त भोग-विलास व स्वार्थीपणाने ,निर्लज्ज पणाने आली आहे. बुद्धिवादी प्राण्याला असें नग्न होणे शोभा देते का?
रज-तम गुणांनी इतके घेरले आहे की सत्व लोप पावत चालले आहे. पैसा माणसाची बुद्धी भ्रष्ट करतो हे क्षणो-क्षणी दिसून येत आहे! आताच जागा हो रे माणसा,नाहीतर फक्त या प्रेतात प्राण शिल्लक असलेले,मन मेलेले प्राणी फिताना सर्वत्र दिसतील! माणसाचा जन्म हा स्व शोध घेवून जन्माचे प्रयोजन कशासाठी ,हे त्या चेतना शक्तीला शोधण्यासाठी आहे. असें सडक्या विचारांचे प्राणी बनून मारण्या व मरण्यासाठी नाही! माणुसकीने वागला तर तो माणूस, माणुसकी सोडून वागला तर त्याचा काहीच राहणार नाही मागमूस! जन्म-मरणाच्या फेर्यात फिअत राहील वर्षानुवर्षे, पापाच्या चिखलात लोळत राहील ,एकाच जन्मातील या चिखलातून कमळा प्रमाणे उगवले तर होईल जिवन धन्य, त्याला नसेल जन्म-मरणाचे गम्य! कुत्र्याचा प्रामाणिकपणा असतो मालकाशी, तसेच अरे माणसा तू प्रामाणिक रहा या पृथ्वीशी!
मंगला!
